自我成長與教養

這是一年前的記事：

「很久沒有拿起書本了。這半年間的我有過許多「第一次」，我以為自己已經更成熟、更憧事，即使連身邊人亦有如此認同。但明顯地，只不過穿梭過一本書的世界後，現實生活裡的我變得更細小。

自小熱愛放眼看世界的我，總渴望小腳印遍佈每一角落，同時深信「讀萬卷書不如行萬里路」。能近距離接觸不同的傳統文化和風土人情，還有無數的親身經歷無疑叫人刻骨銘心。但是人愈大愈覺得文字永遠比記憶更悟人生道理；現實則偏向情感——我是說更複雜的思緒。

我對虛構小說不感興趣，曾經入手一本亦是唯一一本，讀不過十頁就被我塞到書櫃底，一個月後抱著「有空翻一翻」的耐力讀畢。那是我一生人（除了教科書）花最多時間完成的書——足足四個月啊！！！真的只有那些頁頁記載真人實事的細膩和衝擊才能使我著迷不已。

以前還未沉迷字裡行間的時候，實在難以理解「書蟲」何解稱看書為心靈雞湯，直至一本書上手過後，我身心從始離不開各一碗「湯」。大概現實與時間來去匆匆，僅只一天內的點滴都太多了，唯有在一筆一劃裡才會有更獨立的空間仔細地咀嚼吧。

因此我也很愛寫記事。有人為了記念，有人為了「日記」而寫，我則是為了生命而記。每一件再微小的事也是幸福的存證，快樂抑或痛心都是活下來的自己。我每本手記的底面總有一句話：加油。

大盛日本料理

前幾日係新蒲崗亂行，臨時上網搵邊度dinner，想食sushi但選擇唔多，大盛日本料理好似好受歡迎，就去試下啦！

一入門就覺得有點壓迫感，侍應話入面有卡位，不過見d枱擺得咁密已經唔想行入去，所以決定坐門口位。

雖然對正門口又拍住收銀，但應該係我眼見唯一最「獨立」既座位。

魚生有厚度，食材尚算新鮮。以價錢而言，算抵食。

手工一般，兩種三文魚我分別食到一條小刺同一片魚鱗（Mr.C食果兩件又無問題）。

火炙三文魚醬油漬壽司，睇佢燒得唔夠「火炙」，但望落又好似成舊熟左，咬落原來係上熟下生，口感有驚喜。如果燒得靚d會更吸引。

二十四小時後的奶油多

前幾天，經痛，極貪吃的Allay完全沒有胃口。什麼都吃不下，什麼都引不起我吃的欲望。臨睡前，突然想吃奶油多，但半夜叫外賣怕嘈醒伯母；醒來後，看到桌上一堆麵包，心想，來個腸仔包加mayonnaise，正！一坐下來，又提不勁。

剛好伯母自制煎餅，聞起來有點像茶樓裡，我很愛吃的「家鄉煎薄餅」。興致勃勃吃一了口，才一口而已，馬上向Mr.C扁嘴擰頭。好吃，但不想吃。一心只想著奶油多。

簡單地幸福

以前剛搬來的時候，伯母還在大女那邊住，方便照顧孫仔，一星期才回來兩日一夜。世伯又夜更工作，因此我和Mr.C的生活與二人世界無異。

一年前，我寫過這麼的兩段話：「真的不敢保證自己那麼偉大，能無私的愛屋及烏。但是己所不欲，勿施於人，況且那是生他養他教他的家人。我應該心存感激，對他們好、孝敬他們更是必須的，而且他們對我也很好。

相見好，同住亦不是真的那麼難。一家人也有爭執的時候，更何況外人呢？最緊要良好溝通、互相禮讓；衝突之時，退一步海闊天空。願我也緊記切勿因一時之氣而生厭。」

同年的十二月最後一天，一早準備了跟他來個new year masquerade。就在那一夜，伯母正式回家。「3-2-1，HAPPY NEW YEAR 2013！」新的一年，新的轉變。

現在，我們也過得很好。但總有困擾的時候。纏綿無人如我們，煩惱的，並非二人獨處時間，而是飲食和一些生活情調。

日式西餐

忌廉芝士雙色菜

1. 西蘭花和椰菜花各一小棵，炒至六成熟，放少許鹽，倒入一碗水和半碗雞湯煮沸。

2. 加一粒忌廉調味磚和適量芝士，煮至入味後，用麵粉水埋芡即成。

幸運的論盡鬼

新手機實際上手用左兩日，頭先就好可憐被我滑手跌左落地啦！！好彩無事，真係嚇死我呀！即刻打比Mr.C say sorry，佢一估就話「部電話爛左呀？」。雖然無話我，重叫我小心d，又肯買過張新mon貼（一跌就花左），但其實我知道佢好肉赤。

最深刻，有次我將部單反放係座位後面，跟手又放左袋野。起身果陣，只掛住拎起袋野，完全忘記左相機既存在！！！結果成部機跌落地，撞鬆左個閃光燈，唔識彈上黎。我不停抱歉，Mr.C重安慰返我轉頭：「唔緊要啦，好小事！反正都用左好耐啦。」

記得起初我話過，「一部單反比普通數碼相機都係差幾千蚊，唔夠錢，儲多幾個月都買到，點解d人成日覺得單反好勁好貴？」，佢就話：「幾千蚊呀！好貴ga la！一個月幾錢人工，唔係個個都有多餘錢買相機，對好多人黎講係奢侈品。」到依家，每次望到部機我都好內疚，個心都會碎一碎，因為知道佢一定好心痛；因為果部相機係佢少有既奢侈品。

抱著心中的錢罌走路

(取圖自環保錢罌)

今時今日到處銀行，還有多少人用錢罌儲蓄呢？

小時候，我也有過一次錢罌儲蓄經驗…一個深受打擊的經驗。那時隨手拿了一個小小鐵盒作錢罌，飯來張口的我花了很大很大的耐心，一塊、一塊錢儲起。兩三個月後，有次外出膳食，一時高興過頭，將錢全盤托出！結果呢，連一頓壽司料理也不夠付。

接著整個童年，我再沒有儲蓄過。

環保錢罌

前幾日，Mr.C既外甥仔生日，整左個環保錢罌比佢！

其實一早已經帶佢揀禮物，買左對鞋。

但我係好著重心思既人，所以諗諗下，想送份更有意義既野比佢。

咁岩前排執野，發現d coins多到個銀包脹卜卜，想入起佢。

又咁岩外甥仔金錢上管理一般，覺得以佢呢個年紀應該重可以指導一下（當然有問過佢意願）。

於是決定同佢玩個遊戲：

只能用零用錢儲錢一年，下年生日禮物既價錢就要睇佢自己努力左幾多啦！

（錢會比返佢）

外甥仔貪玩，又常用錢，我有擔心一開始就一年，會唔會太長，但Mr.C話咁先鍛鍊到。

都係既，相信佢係過程會掙扎要唔要儲錢，因為錢罌係「密封」，唔比佢拎返出黎。

而且唔容許其他人幫助下或日常零用錢以外既錢，佢聽到果刻都話好難。

生日飯果晚，外甥仔不斷叫佢媽咪「買電話、買電話」，真希望佢從中學識點樣分配d錢，亦明白要得到就要努力。

至於點解叫環保呢？因為…

（我是破紙袋、曲奇罐和廢紙。請支持環保！）

又可以教多佢一樣野！ 一舉三得！

做法超級簡單，大家可以試下^^

Munch Now

一早係大埔墟發現呢間新西餐廳－Munch Now。

被木框包圍既落地玻璃門與周邊小型家用店格格不入，尤其左右兩邊街都係街市，顯得更別樹一格更吸引。
終於有幾會同媽咪同Mr.C試下午餐。

店內紅磚牆同天花配著彷爉燭既燈，加上彷皮座椅，簡潔既古歐式風格。
設計色調同燈光偏暗，但日頭充足既陽光射入黎，可以想像到日夜有好大分別，我諗夜晚係度傾下計會幾舒服。
環境唔算寬敞，我地既六人桌坐位其實幾舒適，反而望到每張枱之間既走廊會令人覺得迫澀。